18 лютага на Еўрапейскім кінарынку Берлінскага міжнароднага кінафестывалю адбылася прэзентацыя Беларускай Незалежнай Кінаакадэміі (Belarusian Independent Film Academy). На заснаванні прысутнічалі прадстаўнікі беларускай кінасупольнасці, кіраўнікі Еўрапейскага Кінафонду, Берлінале і мноства іншых.

Заснавальнікі кінаакадэміі: заснавальніца "Паўночнага Ззяння" Воля Чайкоўская, рэжысёры Аляксей Палуян, Дар’я Жук і Андрэй Куціла, кінаркрытык Ірэна Кацяловіч і кіназнаўца Ігар Сукманаў.

На мерапрыемстве было прэзентавана дзесяць праэктаў у працы беларускіх кінематаграфістаў. Cваю ігравую стужку пад назвай "Да гэтага лета" прадставіла Дар'я Жук. У цэнтры працы - тры жаночых характары падчас падзей 2020 года. «Лісты» — так называецца фільм, над якім працуе сёння беларускі дакументаліст Андрэй Куціла. Праект базуецца на карэспандэнцыі беларускіх палітвязняў і іх сваякоў. Погляд дакументалісткі Ксеніі Галубовіч скіраваны на бежанца з Ірака, які трапіў у пастку, скіраваўшыся ў Беларусь. Яе праект мае назву «Я зрабіў памылку, прыехаўшы сюды».

Пра іншыя стужкі, а таксама каментары гасцёў і фота з мерапрыемства можна праглядзець ніжэй.

Крыніца: https://reform.by/gjeta-vjalik...