Каб далучыцца да Сеткі беларускіх кінематаграфістаў (BFN), запоўніце, калі ласка, форму
Хто мы
Belarusian Filmmakers' Network (BFN) - гэта калектыўны праект, адкрыты для ўсіх беларускіх кінематаграфістаў
- Аб'ядноўвае кінематаграфістаў з Беларусі, у тым ліку тых, хто знаходзіцца ў эміграцыі ў розных краінах свету
- Крытычна важны цэнтр для незалежных кінематаграфістаў, які спрыяе еўрапейскаму партнёрству для сумеснай вытворчасці і фінансавання.
- Асноўны прынцып супольнасці - празрыстасць і дэмакратызацыя доступу да рэсурсаў і глабальных платформ.
Наша місія
Аднавіць беларускую кінавытворчасць праз стварэнне і развіццё супольнасці незалежных кінематаграфістаў.
Наша бачанне
BFN стане самай надзейнай дынамічнай платформай для ўдзелу беларускага кіно ў глабальным культурным дыялогу.
Падыход BFN
- Стварэнне гарызантальных сувязяў
- Садзеянне свабоднаму абмену ідэямі
- Заахвочванне творчага самавыяўлення.
Напрамкі дзейнасці BFN
- Практычная адукацыя і прасоўванне: візіты, стажыроўкі, фестывалі
- Стварэнне асновы для развіцця супольнасці: пошук фінансавання, магчымасцей і рэсурсаў.
- Знешняя дзейнасць: партнёрства, адвакацыя на розных узроўнях.
- Грамадская бачнасць: СМІ, экспертыза, прасоўванне
- Вытворчасць фільмаў.
Гісторыя BFN
Люты 2022
Удзел у першай у гісторыі секцыі беларускага кіно на Еўрапейскім кінарынку (EFM) у рамках 72-га Берлінскага кінафестывалю 2022. BFN правяла шэраг прэзентацый і сустрэч з 49 прадстаўнікамі кінафестываляў і прадзюсарскіх кампаній.
Снежань 2022
Сесія стратэгічнага планавання для вызначэння далейшых дзеянняў і ключавых мэт, а таксама для распрацоўкі дарожнай карты развіцця сеткі. Ініцыятыўная група папаўняецца новымі кінематаграфістамі.
Люты 2023
Удзел у Еўрапейскім кінарынку Берлінале сумесна з Belarusian Independent Film Academy (BIFA). BFN прадставіла праграму сучаснага аўтарскага, маладога і авангарднага кіно, упершыню паказаўшы беларускія кароткаметражныя фільмы на кінарынку для прафесіяналаў.
Чэрвень 2023
BFN дапамагае са стэндам беларускай анімацыі на Міжнародным фестывалі анімацыйных фільмаў у Ансі, які таксама называюць "Канамі для анімацыі".
Паказ фільма "Лета 89" у Берліне, Германія, з асаблівым акцэнтам на адлюстраванні гістарычных падзей, якія сталі паваротным момантам для краіны.
Жнівень 2023
Першы нефармальны з'езд (BarCamp) незалежных беларускіх кінематаграфістаў. 100+ удзельнікаў, 19 кінапрэм'ер, 30+ мерапрыемстваў за тры дні, 12 міжнародных экспертаў. Тры дні нетворкінгу, абмеркаванняў і планавання.
Верасень 2023
Паказ кароткаметражнага фільма "Ператрымка" ў Берліне, першай часткі анталогіі "Працэсы", дзе даследуюцца абсурдныя працэсы, якія адбываюцца ў Беларусі, Украіне і Расіі.
Кастрычнік 2023
Сумесная канферэнцыя BFN – SMartDE пры падтрымцы Федэральнага міністэрства замежных спраў (Auswärtiges Amt) у Берліне. Чатыры дні інтэнсіўнай працы па садзейнічанні інтэграцыі беларускіх кінематаграфістаў у еўрапейскі кантэкст.
Запускаецца першы ў гісторыі мікрабюджэтны кінаінкубатар. Будуць створаны два дэбютныя поўнаметражныя фільмы.
Лістапад 2023
Удзел у мерапрыемствах Connecting Cottbus (coco) і кінафестывалі ў Котбусе.
Снежань 2023
Паказ фільма "Live" (Na Żywo) у Берліне. Фільм даследуе тэму паліцэйскага гвалту скрозь прызму рэальнай гісторыі дзвюх журналістак.