24 кастрычніка 2023 года Belarusian Filmmakers' Network (BFN) аб'явіла аб запуску інкубатара мікрабюджэтнага кіно з мэтай стымуляваць развіццё новага беларускага кіно. У межах інкубатара пяць маладых рэжысёраў будуць працаваць над сцэнарыямі сваіх дэбютных поўнаметражных фільмаў, два з якіх будуць адабраны для фінансавання ў мікрабюджэтным фармаце.

У доўгі спіс конкурсу ўвайшлі дзесяць праектаў:

1) Jack Leen Kennedy, Mary Leen Monroe "НВ"

2) Таццяна Капітонава "Братское лесбийское плечо"

3) Ryna Zelenaya "Счастье рядом!"

4) Ната Карнеева "Эльман"

5) Сямён Юр'еў "Песня"

6) "Па прыступках"

7) "Раны и украшения"

8) Юльяна Васільева "Снова исчезнуть"

9) Фелікс Грыжа "Надзея жыве ў Беларусі"

10) Аляксандр Валодзін "Стаж".

Аўтары праектаў, якія ўвайшлі ў доўгі спіс, мелі магчымасць дапрацаваць свае заяўкі да пачатку наступнага этапу адбору праектаў. У фарміраванні кароткага спісу конкурсу ўдзельнічаюць не толькі арганізатары, але і вонкавыя эксперты кінаіндустрыі. А шорт-ліст з пяці праектаў для ўдзелу ў сцэнарнай лабараторыі пад кіраўніцтвам дасведчаных фільммэйкераў будзе аб'яўлены 30 лістапада 2023 года.

«Парадавала і колькасць, і якасць дасланых на работ. Мы ўдзячны ўдзельнікам за давер, за шчырасць і смеласць аўтарскіх выказванняў. Выбар доўгага спісу праводзіўся шляхам падліку балаў па сфарміраваных крытэрыях і быў па-сапраўднаму складаным. Праект знаходзіцца яшчэ на ранняй стадыі, наперадзе - работа над сцэнарыямі і здымкі двух фільмаў. Але ўжо зараз зразумела, што цікавасць да мікрабюджэтнага кіно ў маладых беларускіх фільммэйкераў ёсць, а гэта - галоўнае», - кажа сузаснавальнік BFN і кіраўнік праекту інкубатара мікрабюджэтнага кіно Уладзімір Казлоў.